မဟာဗျူဟာ (၂၁)

Friday, 25 November 2011 Written by Kyaw Win

အားကောင်းချက်များအပေါ် အခြေခံသော မဟာဗျူဟာ
အားသာချက်မှာ နှိုင်းရသဘောသာဖြစ်သည်။

ကျွန်ုပ်တို့၏အားသာချက်များမှာ ပြိုင်ဘက်များကို တိုက်ပွဲဆင်နိုင်ရန်အတွက် အခွင့်အလမ်းပင်ဖြစ်သည်။ သို့တိုင်အောင် ကျွန်ုပ်တို့တွင် ပြိုင်ဘက် ထက်သာလွန် ကောင်းမွန်သော မဟာဗျူဟာ အားသာချက် တစ်ခုခုရှိမှသာ အဆိုပါ အခွင့်အလမ်းကို အသုံးပြုနိုင်မည် ဖြစ်သည်။ သက်ဆိုင်ရာနယ်ပယ်တွင် ပြိုင်ဘက်များဘက်မှလည်း အားကောင်းချက်များရှိနေလျှင် သို့မဟုတ် ပြိုင်ဘက်များအနေနှင့် ခံစစ်စည်းကို ကောင်းကောင်း ပြင်ထားနိုင်လျှင် မဟာဗျူဟာမြောက် အားသာချက်ဟု ဆိုနိုင်မည် မဟုတ်ပါချေ။ ပြိုင်ဘက်နှင့် ကျွန်ုပ်တို့၏ အားကောင်းချက်များမှာ အားမျှခြေအနေအထားတွင်ရှိနေ၍ ထိပ်တိုက်ရင်ဆိုင်ခြင်းဖြင့် အကျိုးများနိုင်ဖွယ်ရာ မရှိသောကြောင့် ဖြစ်သည်။

ပြိုင်ဘက်၏ အားနည်းချက်မှ ထွက်ပေါ်လာသော ကျွန်ုပ်တို့၏ အားကောင်းချက်များကိုမူ မဟာဗျူဟာ အားသာချက်အဖြစ် ယေဘုယျ မှတ်ယူ နိုင်စရာရှိပါသည်။ ဤသို့သော အားကောင်းချက်မျိုးကို ပြည့်ပြည့်ဝ၀ အသုံးပြုနိုင်သည်။ အသုံးမပြုဘဲ လျစ်လျူရှုထားသည်မျိုး မဖြစ်သင့်ဟူ၍ပင် ဆိုရပါလိမ့်မည်။ အကယ်၍ အသုံးမပြုနိုင်လျှင် ရရှိထားသော မဟာဗျူဟာ အားသာချက်ကို ဖြုန်းတီးရာ ရောက်ပါသည်။ ဤတွင် ပြောလိုသည်မှာ မဟာဗျူဟာ အားသာချက် မြောက်၊ မမြောက် သတ်မှတ် ဆုံးဖြတ်နိုင်ရန် မိမိတို့၏ အားကောင်းချက်များကို သရုပ် ခွဲစိစစ်နိုင်ဖို့ပင်ဖြစ်သည်။ မိမိအဖွဲ့အစည်း၏ ကိုယ်ပိုင်အားကောင်းချက်လော၊ ပြိုင်ဘက်၏ အားနည်းချက်မှ လာသည့် အားကောင်းချက်လော ဆိုသည်ကို စိစစ်နိုင်ရန် ဖြစ်ပါသည်။

အကယ်၍ မိမိအဖွဲ့အစည်း၏ ကိုယ်ပိုင် အားကောင်းချက်ဖြစ်သည် ဆိုပါစို့။ ပြိုင်ဘက် အဖွဲ့အစည်၏အနေအထားကို မေးခွန်းထုတ် ကြည့်ဖို့ လိုပါသည်။ မေးခွန်း၏အဖြေပေါ်မူတည်ပြီး မဟာဗျူဟာမြောက် အားသာချက် ဟုတ်၊ မဟုတ် ဆုံးဖြတ်ရမည် ဖြစ်သည်။ (အောက် ပါဇယားကိုကြည့်ပါရန်)

အကယ်၍ မိမိအဖွဲ့အစည်း၏အားကောင်းချက်မှာ ပြိုင်ဘက်၏အားနည်းချက်မှ လာသည် ဆိုလျှင် မိမိတို့ ဘာလုပ်နိုင်မည်ကို မေးခွန်း ထုတ်ကြည့်ဖို့ လိုပါသည်။ မေးခွန်း၏အဖြေပေါ် မူတည်ပြီးမှ သာ မဟာဗျူဟာမြောက် အားသာချက် ဟုတ်၊ မဟုတ် ဆိုသည်ကို ဆုံးဖြတ် ရမည် ဖြစ်သည်။ (ဇယားကိုကြည့်ပါရန်)

ဤ သဘောများကို ဆင်ခြင်ကြည့်ပါက မိမိတို့တွင် အားကောင်းချက်များ အခိုင်အမာ ရှိနေသည် ဆိုစေဦး 'မဟာဗျူဟာမြောက် အားသာချက်ရှိနေပြီ' ဟု ယတိပြတ် မဆိုနိုင်ကြောင်း ထင်ရှားပါသည်။

Feedback and Mission

မဟာဗျူဟာ စီမံချက် ရေးဆွဲသူ တစ်ယောက် အနေနှင့် ရင်ဆိုင် ရမည့် အခက်အခဲဆုံး လုပ်ငန်းတာဝန် တစ်ရပ်မှာ အခြေအနေ အကဲဖြတ်ချက် မှ ထွက်ပေါ်လာသော အဖြေများကို မစ်ရှင် နှင့် ပြန်လည် ချိန်ညှိပြီး အောက်ပါ မေးခွန်း သုံးရပ်ကို တိတိပပ အဖြေထုတ် ရမည့် တာဝန်ဖြစ်ပါသည်။

၁။ လက်ရှိ မစ်ရှင် အောင်မြင်နိုင် သလော သို့မဟုတ် အရေးနိမ့် နိုင်သလော။
၂။ လက်ရှိ မစ်ရှင် အောင်မြင် ဖို့ဆိုလျှင် အပြောင်းအလဲများကို ဘယ်လောက် အတိုင်းအတာအထိ လုပ်ဖို့လိုမည်နည်း။
၃။ လက်ရှိ မစ်ရှင်တစ်ခုလုံး၏ ရည်မှန်းချက်များကို ရေရှည် မဟာဗျူဟာအဖြစ် ပြောင်းလဲ သတ်မှတ်မည်လော သို့မဟုတ် လက်ရှိ မဟာဗျူဟာ အဆင့်မှာပင် လက်ရှိ မစ်ရှင်ကို လိုအပ်သလို ပြုပြင်ပြောင်းလဲ သွားမည်လော။

ဤ မေးခွန်းသုံးရပ်ကို အဖြေပေး၊ ဆုံးဖြတ်သတ်မှတ်ရေးမှာ မဟာဗျူဟာစီမံချက်၏ အရေးအကြီးဆုံး အဆင့်ပင် ဖြစ်ပါသည်။ ဤအဆင့်တွင် မဟာဗျူဟာ စီမံချက် ရေးဆွဲသူ၏ အခန်းကဏ္ဍမှာ အထူးအရေးကြီးသည်။ သူ၏တစ်ဦးချင်း ဆုံးဖြတ်နိုင်စွမ်းမှာ 'အခရာ' ဟူ၍ပင် ဆိုနိုင်လောက်ပါသည်။

မဟာဗျူဟာစီမံချက် ရေးဆွဲသူ၏ အခန်းကဏ္ဍ

မဟာဗျူဟာ စီမံချက် တစ်ရပ်အနေဖြင့် ပိုမို အားကောင်းသော သေချာရေရာမှုကို အာမခံနိုင်ရမည် ဖြစ်သော်လည်း အဆုံးစွန်အနေနှင့် ပြောရလျှင် အဆိုပါ သေချာရေရာမှုမှာ စီမံချက် ရေးဆွဲသူ၏ အခြေအနေမှန်ကို သိမြင်နိုင်စွမ်း၊ ဗီဇစိတ်ဖြင့် ထိုးထွင်း ကြံဆနိုင်စွမ်း တို့အပေါ်တွင် များစွာ မူတည်လေ့ရှိပါသည်။ တစ်ပြိုင်နက်တည်းမှာပင် စီမံချက်ရေးဆွဲသူ ကိုယ်တိုင်မှာ လူထဲမှ လူသာ ဖြစ်လေရာ ပုဂ္ဂလ ဓိဋ္ဌာန်သဘောဆောင်သော စိတ်ခံစားမှု၊ စိတ်လှုပ်ရှားမှုများမှ ရာနှုန်းပြည့် ကင်းလွတ်နိုင်လိမ့်မည် မဟုတ်ပါချေ။ ဤသို့သော ဝိရောဓိ သဘောဆောင်မှုကြောင့်ပင် စီမံချက် ရေးဆွဲသူ၏ အခန်းကဏ္ဍမှာ အရေးကြီးနေရခြင်း ဖြစ်ပါသည်။

အထူးသဖြင့် ရည်မှန်းချက် (မစ်ရှင်) နှင့် တွေ့ရှိချက် (အကဲဖြတ်ချက်)တို့ ပြန်လည် ချိန်ညှိရသော အဆင့်တွင် ဆိုခဲ့ပါ စီမံချက် ရေးဆွဲသူ၏ အခန်းကဏ္ဍမှာ ပို၍ပင် အရေးကြီးပါသေးသည်။ မကြာခဏဆိုသလို ကြုံတွေ့ရသည့် ပြဿနာမှာ မစ်ရှင်နှင့် တွေ့ရှိချက်တို့ အဟပ် ကွာလွန်းလျှင် စီမံချက်ရေးဆွဲသူကိုယ်တိုင် မွှန်ထူသွားလေ့ ရှိခြင်းပင် ဖြစ်သည်။

ဤသို့ မွှန်ထူသွားပြီဆိုလျှင် 'မစ်ရှင်' ကို ပြင်မည်လော၊ 'တွေ့ရှိချက်' ကို ပြင်မည်လောဆိုသော ရွေးချယ်ဆုံးဖြတ်ရတော့မည့် 'ပွိုင့်' သို့ ရောက်လာတော့သည်။ ပြောရလျှင် ဤပွိုင့်သည်ပင် စီမံချက် ရေးဆွဲသူ၏ ရိုးသားမှုကို မှတ်ကျောက်တင်ပေးမည့်အဆင့် ဖြစ်ပါသည်။ ရိုးသားဖြောင့်မတ်သော စီမံချက်ရေးဆွဲသူအနေနှင့် တွေ့ရှိချက်ကို ပြင်လို့မဖြစ်ပါ။ တွေ့ရှိချက်နှင့် လိုက်လျောညီထွေ ဖြစ်စေရန် မစ်ရှင်ကိုသာ လိုအပ်သလို မွမ်းမံရမည် ဖြစ်ပါသည်။

ဤတွင် ပြဿနာ ရှိသည်မှာ အဖွဲ့အစည်းဝင်များ၏ စီမံချက် ရေးဆွဲသူအပေါ် ထင်မြင်ချက်ဖြစ်သည်။ ယေဘုယျအားဖြင့် အများစုက သူ့ကို 'ဂုရု' တစ်ယောက်အဖြစ် ထင်မြင် ယူဆလေ့ ရှိကြရာ၊ ဤ ထင်မြင်ချက်အပေါ် သူကိုယ်တိုင် သာယာလာရာမှ ဖြစ်သည့်နည်းနှင့် ကာကွယ်လိုခြင်းပင်ဖြစ်ပါသည်။ ဤစိတ်ဆန္ဒကိုသာ အလိုလိုက်မိပါက ရိုးသား ဖြောင့်မတ်မှု ထိခိုက်လာပြီး ပြန်လည် ဆန်းစစ်ရမည့် ယခုအဆင့်ကို မှန်မှန်ကန်ကန် ဖြတ်သန်း နိုင်တော့မည် မဟုတ်ပါချေ။အမှန်စင်စစ် အဖွဲ့အစည်း တစ်ရပ်၏ အောင်မြင်မှု၊ အရေးနိမ့်မှုများကို အဆုံးအဖြတ် ပေးနေသည်မှာ စီမံချက် ရေးဆွဲသူတစ်ဦးတည်း မဟုတ်။ ပါဝင် ပတ်သက်သူတိုင်းတွင် သူ့ အတိုင်းအတာနှင့်သူ တာဝန်ရှိသည်သာ ဖြစ်ပါသည်။

စာညွှန်း - Political Strategies (Peter Schroder)

မူရင်းဆိုဒ်။ ။ http://thevoicemyanmar.com/index.php?option=com_content&view=article&id=820:2011-11-24-22-07-13&catid=35:perspective&Itemid=56

Posted in: မဟာဗျူဟာ (၂၁)